logo
  • Видео Информации

    • Еколошка акција „Општина без смет за поубав свет“
      Еколошка акција „Општина без смет за поубав свет“
    • Осогово – планина која плени со својата убавина
      Осогово – планина која плени со својата убавина
    • Една година отворена општина – Една година за граѓаните на Крива Паланка
      Една година отворена општина – Една година за граѓаните на Крива Паланка
    • Меѓународен фолклорен фестивал Свети Јоаким Осоговски 2018
      Меѓународен фолклорен фестивал Свети Јоаким Осоговски 2018
  • Видео пренос од седници на Совет

    • 21.седница на Совет на Општина Крива Паланка
    • 20.седница на Совет на Општина Крива Паланка
      20.седница на Совет на Општина Крива Паланка
    • 19. седница на Совет на Општина Крива Паланка
    • 18. седница на Совет на Општина Крива Паланка
      18. седница на Совет на Општина Крива Паланка
  • Врз основа на Правилникот за условите, критериумите и правилата за субвенциониран превоз на студенти кои студираат на Државните Универзитети во Штип и Скопје („Службен гласник на Општина Крива Паланка“ бр.15/2017  од 28.12.2017 година) Општина Крива Паланка објавува

    КОНКУРС
    ЗА СУБВЕНЦИОНИРАН ПРЕВОЗ НА СТУДЕНТИ КОИ СТУДИРААТ НА ДРЖАВНИТЕ УНИВЕРЗИТЕТИ ВО ШТИП И СКОПЈЕ, А СЕ ЖИТЕЛИ НА ОПШТИНА КРИВА ПАЛАНКА

     Општина Крива Паланка за 2018 година субвенционира превоз на

    • 10 (десет) студенти кои студираат на Државните Универзитети во Штип и Скопје во Република Македонија
    • Субвенционирањето е со два повратни месечни билети со превоз од АДПТУТ „Пролетер“ АД с. Конопница Крива Паланка

    Услови за доделување на субвенции

    Право на субвенција имаат студентите кои се запишани на Државните Универзитети во Штип и Скопје во Република Македонија и ги исполнуваат следните услови:

    – Општи услови за студенти :

    1. да се жители на општина Крива Паланка
    2. да се редовни студенти
    3. да не повторувале година во текот на студирањето
    4. да се државјани на Република Македонија
    5. во предвид ќе бидат земени апликациите на студенти деца на самохран родител, студенти деца на невработени родители, студенти деца без родители и родителска грижа, студенти деца со посебни потреби и студенти деца на корисници на надоместок по основ на престанок на работен однос од деловни причини за кои вкупните приходи во семејството се под нето минималната плата утврдена во Република Македонија
    6. да не се постари од 25 години

    Критериуми за доделување на субвенции се

    1. Постигнат успех од претходните студиски години од најмалку 8,5
    2. Материјални можности на студентите  и нивното потесно семејство

    Потребни документи за учество на конкурсот

    (Потребни обрасци)

    1. Евидентен лист пополнет од апликантите до комисијата
    2. Потврда за редовен студент
    3. Уверение со број на предвидени и  положени испити од претходни години
    4.  Потврда од плата/чек од пензија за татко/мајка или старател за исплатена плата за последни три месеца, за невработените потврда од Агенција за вработување на Република Македонија дека се невработени или примат/не примат паричен надоместок, додека за другите членови на семејството брат/сестра доколку се ученици или студенти потврда од училиште или факултет
    5. Документ за кандидати-студенти без родители и родителска грижа и студенти кои се категоризирани како лица со посебни потреби
    6. Изјава за семејна положба
    7. Изјава за точни податоци во приложена документација
    8. Изјава за користење на лични податоци
    9. Копија од државјанство на РМ

    Место и рок на поднесување на документи

    Потребните документи се доставуваат до Општина Крива Паланка

    Рокот на поднесување на документи е 01.02.2018 до 28.02.2018 година

    • При поднесување на документи кандидатите потребно е со себе да носат и индекс.
    • Потребните обрасци може да се набават во Општина Крива Паланка или на веб страницата на општината www.krivapalanka.gov.mk
    • Некомплетни ненавремено доставени документи и документите доставени по пошта нема да се разгледуваат.
    • Резултатите ќе бидат објавени во рок од 8 (осум) дена од денот на завршување на конкурсот
    • Резултатите ќе бидат објавени на огласна табла во општина Крива Паланка и на веб страната на општината www.krivapalanka.gov.mk
    • Незадоволните кандидати имат право на приговор во рок од 3 (три) дена од денот на објавувањето на резултатите.
    • Поблиски информации може да се добијат директно во канцеларијата на комисијата или на телефон 031/372-130  076/337-446   070/607-543.

               ОПШТИНА КРИВА ПАЛАНКА
    Градоначалник
    Борјанчо Мицевски


    На 23 март во Крива Паланка се оддржа државното првенство во пинг – понг за играчи до 18 години. Натпреварите се играа во салата на ООУ Јоаким Крчовски – Партизан, а во организација на Пингпонгарската федерација на Македонија и Пингпонгарскиот клуб Крива Паланка.

    Натпреварите се играа во следниве конкуренции: машки поединечно, женски поединечно, машки двојки, женски двојки и за прв пат во оваа категорија се играше и мешани двојки (машко/женско).

    И овојпат најуспешни беа кривопаланечките пингпонгари кои освоија најголем број од медалите, посебно во натпреварите во женска конкуренција.

    Ана Стојановка од ППК Крива Паланка е државен првак во поединечна конкуренција.

    Таа во финалето убедливо ја победи Ива Димитриевска од ППК Скопје Рисови со резултат 4:0, додека во пар со Леонид Гошев од ППК Винспин и со Сара Стојановска од ППК Крива Паланка го освои првото место во мешани двојки односно второто место во женски двојки.

    Икслучително добар резултат постигна и младиот Александар Јакимовски кој со само 10 години успеа да го освои за него одличното трето место во поединечна конкуренција и заедно со Антонио Крстевски третото место во конкуренција машки двојки.

    Во машка конкуренција убедливо најдобар беше Раиф Рустемовски кој во финалето убедливо со 4:0 го совлада Леонид Гошев.

    На првенството присуствуваше и официјално го отвори градоначалникот на општина Крива Паланка Борјанчо Мицевски, додека наградите на најуспешните беа доделени од страна на директорот на ЈП Комуналец, Миле Марковски и претседателот на клубот домаќин Јорданчо Миневски.

     

     


    Ученикот Андреј Цветковски од IV6 паралелка, електротехничка струка, заедно со неговиот тим го освои второто место на натпреварот RoboMac Junior нa кој учествуваа 40 средношколци од цела Македонија. Натпреварот се одржа од 20 до 22 март во просториите на ФЕИТ, а целта на натпреварот беше да се зголеми интересот за роботика и вештачка интелигенција кај средношколците.

    Учесниците имаа можност да слушаат предавања од професори и експерти во оваа област, но и да работат со едукативни роботи и да се натпреваруваат во програмирање и управување на истите.


    Во текот на вчерашниот ден (недела 24.03.2018г.) во општина Крива Паланка започна големата еколошка акција за читење на смет, насловена како „Општина без смет за поубав свет“ .

    Акцијата започна од 9.30 часот, а во неа учествуваа околу стотина граѓани од најразлична возраст, претставници од невладиниот сектор, од граѓанското здружение „Акцијаши“  и волонтери од општинскиот Црвен Крст и извидничкиот одред Н.Н. Борче,  претставници на општинската администрација и локалните институции, наставници, професори и ученици, како и планинарите и пензионерите од градот. Акцијата ја организираше и беше координирана од сручните служби од општината во соработка со ЈП Kомуналец .

    Градоначалникот Борјанчо Мицевски изрази големо задоволство за големиот одзив и благодарност до присутните за покажаната висока еколошка свест и грижа за животната средина и воедно ги повика граѓаните да се приклучат во наредните еколошки акции кои ќе продолжат да се реализираат според планот во наредните два месеци.

    Распоред на активностите на акцијата „Општина без смет за поубав свет“


    Преку промоција на досегашните активности и значењето на принципите и вредностите на дарувањето на крв, Општинската организација на Цевен крст од Крива Паланка го одбележа Денот на крводарителството.

    Јубилејни признанија, благодарници и значки за најредовните и најистакнати крводарители од општините Крива Паланка и Ранковце беа доделени на вчерашната свеченост по повод 17- ти март, Денот на крводарителите.

    Признанија од Републичкиот Црвен крст и награди со ваучер од Општината добија двајца крводарители со над педесет крводарувања, Ненад Николовски со 55 остварени дарувања и Милан Стефановски.

    Петмина дарители добија признанија за над дваесет и пет крводарувања, од кои највпечатлив пример е Татјана Филиповска, професорка во средното општинско училиште Ѓорче Петров, со вкупно 33 крводарувања.

    -Татјана е одличен пример како доброто менторство влијае во ширење на позитивни вредности. Преку нејзиниот позитивен пример се пренесува и хуманата мисија, па во класот четврто шест, чиј класен раководител е Филиповска, инаку професор по социологија, од вкупно 26 дури 23 ученика се крводарители и поголем број од нив првократни, за што добија признанија и пофалници, изјави Снежана Димитријевска, претседател на Општинската организација на Црвен крст, Крива Паланка.

    На свеченоста Димитријевска им посака добро здравје на сите крводарители искажувајќи им благодарност за хуманоста, потенцирајќи дека и таа во изминатата година првпат дарувала крв.

    На свечаноста беше присутен и градоначалникот на општина Крива Паланка, кој нагласи дека Локалната самоуправа на општина Крива Паланка традиционално го поддржува и на пригоден начин се вклучува во одбележувањето на Денот на крводарителите, а несебично ги поддржува и останатите актовностите на ОО Црвен крст од Крива Паланка.

    -Чест и задоволство е да живеам во општина во која има многу хумани луѓе. Особено ме радува и охрабрува големата хуманост на младите луѓе, кои под менторство на своите наставници, активно се вклучуваат во крводарителските акции со што го покажуваат високиот степен на морал и хумани вредности.

    Посакувам секогаш да можете да помагате, а никогаш да немате потреба од ваква помош, затоа што крводарителството е исклучително убава активност која што не познава ниту политичка, ниту етничка, ниту верска определба и припадност, туку познава само потреба да му се помогне некому,  изјави градоначалникот Борјанчо Мицевски, а потоа ги додели и  јубилејните награди, признанија, плакети  и ваучери од Општината и ОО на Црвен крст од Крива Паланка и Републичкиот Црвен Крст.

    Благодарници за поддршка во реализацијата на годишните активности од областа на крводарителството добија основното општинско училиште „Јоаким Крчовски”, средното општинско училиште „Ѓорче Петров” со реализирани 91 крводарување, посебна благодарница беше врачена и до класот од четврта година, четири шест, предводен од класниот раководител Татјана Филиповска, а на учениците- крводарители за пример им беа доделени и индивидуални благодарници.

    Вкупно дваесет и девет крводарители оствариле повеќе од десет кеводарувања, а благодарници беа доделени и на четворица крводарители со над пет реализирани дарувања.

    Во 2018 година, Општинска организација на Црвен крст од Крива Паланка реализираше  21 крводарителска акција на кои се собрани вкупно 860 крвни единици од проектираните 711, со што годишниот план е реализиран со 120 отсто.

    Во 2017 година бројката на собрани единици го натфрлила за дури 45 отсто годишниот план.

    Општинската организација на Црвен крст Крива Паланка е на седмото место на национално ниво во однос на бројот на успешно реализирање на крводарителството.

     


    На состанокот на Локалниот совет за превенција, одржан на ден 22.03.2019 година,  беа донесени следните заклучоци за безбедносната состојба во општина Крива Паланка:

    1. Вишиот соработник за образование и спорт при Општина Крива Паланка да подготви и дистрибуира до сите училишта на подрачјето на општина Крива Паланка соопштение, во кое ќе ги демантира сите невистинити наводи за сомнителни движења на некакви возила со затемнети прозорски стакла и луѓе во темна гардероба, кои наводно следат некого.
    2. Соопштението да биде прочитано на класен час, во понеделник 25.03.2019 година, во основните општински училишта и во средното општинско училиште.
    3. Доколку се забележат сомнителни активности кои се битие на кривичното дело- грабнување веднаш да пријавуваат на бесплатниот телефонски број 192 и да извршат фотографирање на сомнителните луѓе и возила.
    4. ПС од ОН Крива Паланка да превземе соодветни мерки кон сите лица кои шират дезинформации во јавноста и преку социјалните мрежи за некакви наводни сомнителни движења и активности на луѓе и возила.
    5. Во текот на наредната недела итно и неодложно да се свикаат и одржат состаноци на Советите на родители во сите училишта на подрачјето на Општината на кои ќе се дискутира за наведената проблематика и да се прочита даденото соопштение.
    6. Да се работи на организирање и одржување на информативни средби со граѓаните, во соработка со Секторот за превенција при СВР Куманово и медиумите, а преку кои ќе се врати довербата на граѓаните во безбедносната состојба во Општината.
    7. Заклучоците и соопштенијата да бидат објавени на официјалната веб страница на Општината и во медиумите.       

    ОПШТИНА КРИВА ПАЛАНКА

     

     


    На состанокот на Локалниот совет за превенција, одржан на ден 22.03.2019 година,  беа донесени следните заклучоци за превенција од пожари на територијата на општина Крива Паланка:

    1. Состојбата со предизвикување и третирање на пожари на територијата на општина Крива Паланка во изминатиот период е алармантна и загрижувачка.
    2. Неопходно е потребна поголема координација помеѓу сите инволвирани служби во превенцијата од пожари.
    3. Дадено е задолжение до ТППЕ Крива Паланка, по прием на сигнал за активен пожар, веднаш да достават информација до ПС од ОН Крива Паланка, ДЗС и ЈП Македонски шуми, заради правовремено делување на терен на сите инволвирани служби.
    4. Неопходно е потребно да се достави информација до Министерството за земјоделство, шумарство и водостопанство за појава на пожари, кои во најголем дел зафаќаат земјоделски површини и нивно навремено вклучување во сите активности за превенција од пожари.
    5. Мобилноста на сите служби, кои се инволвирани во активностите за превенција од пожари во наредниот период да биде на највисоко ниво.
    6. Дистрибуција на соодветни советодавни флаери подготвени од ДЗС и информативно соопштение, кое ќе биде подготвено од Општина Крива Паланка до сите рурални средини, а преку соодветните месни заедници, со обврска до претседателите на месните заедници да одржат состаноци со месното население во самите месни заедници, како и да доставуваат благовремени информации до Општината за сите превземени активности, а  во насока на   зголемување на свеста на граѓаните во тие рурални подрачја.
    7. ПС од ОН Крива Паланка и НККР при ПС од ОН Крива Паланка во наредниот период, преку соопштенија и прес конференции да дадат точни податоци за вкупниот број на поднесени кривични пријави и издадени платни налози за глоба спрема сите познати сторители на кривични дела и прекршоци, поврзани со намерно или ненамерно предизвикување на пожари.
    8. Правовремено и заедничко информирање на граѓаните и инволвираните служби во превенцијата од пожари за евентуални сомнителни движења на отворен простор, како и ограничување на движењето на отворен простор и строга забрана за палење на оган на отворено.
    9.  Заклучоците и Соопштенијата да бидат објавени на официјалната веб страница на Општината и во медиумите.   


    ОПШТИНА КРИВА ПАЛАНКА


    Денес, 22.03.2019 во општинската сала за состаноци во Крива Паланка се оддржа работен состанок на Локалниот совет за превенција. На дневен ред на Советот, со кој претседаваше градоначалникот на општина Крива Паланка, Борјанчо Мицевски,  беа темите од областа на превенција од пожари, безбедносната состојба на подрачјето што го покрива Општина Крива Паланка, како и повикот за вклучување и масовно учество на сите институции и граѓани во претстојната еколошка акција  за заштита на животната средина под мотото „Општина без смет за поубав свет“.

    Покрај членовите на Локалниот совет за превенција на општина Крива Паланка, присуствуваа и претставници на рурални месни заедници, директорите на општинските основни училишта и гимназијата, како и претставници на медиумите.

    Свое обраќање по наведените теми имаа градоначалникот на општина Крива Паланка, Борјанчо Мицевски, командирот на ТППЕ од Крива Паланка, Иле Коцевски, командирот на ПС ОН Крива Паланка, Дејан Маринковски и началникот на НККР Крива Паланка, Ивица Стамболиски.

    -Како локална самоуправа очекуваме сите прашања што се од интерес на граѓаните, бизнис секторот и другите чинители на заедницата да наоѓаме начини да ги решаваме, пред се превентивно, меѓутоа и сето она што ќе биде донесено како заклучоци многу е значајно понатаму да го имплементираме. Тоа и е целта, да имаме еден сериозен пристап кон секој одреден проблем. Деновиве имаме актуелни и алармантни ситуации и проблеми на терен, но ние сме тука да наоѓаме решенија, во насока на превземање на итни превентивни мерки и во заедничка координација и синхронизирани акции со стручните служби од Општината и ТППЕ, МВР, ДСЗ и во соработка со подрачната единица на Министерството за земјоделие, шумарство и водостопанство и ЈП Македонски шуми, како и во соработка со општинските училишта, мораме навремено да делуваме за подобрување на состојбата, истакна во воведното излагање градоначалникот Борјанчо Мицевски.

    Како еден од поголемите проблеми, со кој во изминатиот период се сочуваме се пожарите на отворено за што детална информација за актуелната состојба даде командирот на ТППЕ од Крива Паланка, Иле Коцевски.

    На состанокот беа разгледани и другите теми од областа на безбедносната состојба, јавниот ред и мир и сообраќајот во општината, како и ширењето на гласини и актуелната пропаганда за наводно присуство и движење на сомнителни возила низ градот и околината и ширење на паника особено кај младата полулација. Во таа насока свое обраќање и извештај за состојбата изнесе командирот на ПС ОН Крива Паланка, Дејан Маринковски.

    Присутните се согласија дека треба да има поголема координација помеѓу стручните служби и надлежните институции, подобра информираност на локалното население и кокретни превентивни мерки за подобрување на состојбата во градот и околината за што беа донесени и соодветни заклучоци.

    ЗАКЛУЧОЦИ

    1.Превенција од пожари на територијата на Општина Крива Паланка

    1. Состојбата со предизвикување и третирање на пожари на територијата на општина Крива Паланка во изминатиот период е алармантна и загрижувачка.
    2. Неопходно е потребна поголема координација помеѓу сите инволвирани служби во превенцијата од пожари.
    3. Дадено е задолжение до ТППЕ Крива Паланка, по прием на сигнал за активен пожар, веднаш да достават информација до ПС од ОН Крива Паланка, ДЗС и ЈП Македонски шуми, заради правовремено делување на терен на сите инволвирани служби.
    4. Неопходно е потребно да се достави информација до Министерството за земјоделство, шумарство и водостопанство за појава на пожари, кои во најголем дел зафаќаат земјоделски површини и нивно навремено вклучување во сите активности за превенција од пожари.
    5. Мобилноста на сите служби, кои се инволвирани во активностите за превенција од пожари во наредниот период да биде на највисоко ниво.
    6. Дистрибуција на соодветни советодавни флаери подготвени од ДЗС и информативно соопштение, кое ќе биде подготвено од Општина Крива Паланка до сите рурални средини, а преку соодветните месни заедници, со обврска до претседателите на месните заедници да одржат состаноци со месното население во самите месни заедници, како и да доставуваат благовремени информации до Општината за сите превземени активности, а  во насока на   зголемување на свеста на граѓаните во тие рурални подрачја.
    7. ПС од ОН Крива Паланка и НККР при ПС од ОН Крива Паланка во наредниот период, преку соопштенија и прес конференции да дадат точни податоци за вкупниот број на поднесени кривични пријави и издадени платни налози за глоба спрема сите познати сторители на кривични дела и прекршоци, поврзани со намерно или ненамерно предизвикување на пожари.
    8. Правовремено и заедничко информирање на граѓаните и инволвираните служби во превенцијата од пожари за евентуални сомнителни движења на отворен простор, како и ограничување на движењето на отворен простор и строга забрана за палење на оган на отворено.
    9.  Заклучоците и Соопштенијата да бидат објавени на официјалната веб страница на Општината и во медиумите.   

    2. Безбедносната состојба во Општина Крива Паланка          

    1. Вишиот соработник за образование и спорт при Општина Крива Паланка да подготви и дистрибуира до сите училишта на подрачјето на општина Крива Паланка соопштение во кое ќе ги демантира сите невистинити наводи за сомнителни движења на некакви возила со затемнети прозорски стакла и луѓе во темна гардероба кои наводно следат некого.
    2. Соопштението да биде прочитано на класен час во понеделник 25.03.2019 година.
    3. Доколку се забележат сомнителни активности кои се битие на кривичното дело- грабнување веднаш да пријавуваат на бесплатниот телефонски број 192 и да извршат фотографирање на сомнителните луѓе и возила.
    4. ПС од ОН Крива Паланка да превземе соодветни мерки кон сите лица кои шират дезинформации во јавноста и преку социјалните мрежи за некакви наводни сомнителни движења и активности на луѓе и возила.
    5. Во текот на наредната недела итно и неодложно да се свикаат и одржат состаноци на Советите на родители во сите училишта на подрачјето на Општината на кои ќе се дискутира за наведената проблематика и да се прочита даденото соопштение.
    6. Да се работи на организирање и одржување на информативни средби со граѓаните, во соработка со Секторот за превенција при СВР Куманово и медиумите, а преку кои ќе се врати довербата на граѓаните во безбедносната состојба во Општината.
    7. Заклучоците и Соопштенијата да бидат објавени на официјалната веб страница на Општината и во медиумите.        

    3.Информација во врска со претстојната еколошка акција

    1. Правовремено информирање на граѓаните за сите термини и реони кои ќе бидат опфатени со оваа акција и масовен одзив на граѓаните, институциите, граѓанските здруженија и други субјекти во успешната реализација на истата.

     

     

     

     


    Како да се достигне емотивна и душевна хармонија, кои се тајните на воспоставување баланс на духот, телото и умот, чекори до себереализација и лично задоволство, со ослободено срце беа дел од темите за кои Катерина Ангеловска, авторка на „Будење на свеста“ и мотивациски говорник говореше на синоќешната промоција на книгата и семинар во градската библиотека „Кочо Рацин“ при Национална установа Центар за култура, Крива Паланка.

    -Бројното присуство на публика ме прави среќна што направивме добар избор за гостување на авторката, која работи и дејствува на полето на мотивацијата, како мотивациски говорник, личен тренер, што е тренд во последно време. Ние уште од нејзината прва книга „333 афирмации“ се дооговравме за гостување, но приликата е одлична да само еден месец по промоцијата на „Будење на свеста“ Ангеловска биде наша гостинка и можевме да слушнеме многу насоки за тоа како да го искористиме сето она што го поседуваме како личен потенцијал на патот на себеспознавањето и самореализацијата, рече Мира Ѓоргиевска, директорка на НУЦК, Крива Паланка.

    Според Ангеловска, првиот принцип за кој се залага секогаш, во говорите и на работилниците, е поттикнување на луѓето да превземат стопроцентна оговорност за сопствениот живот.

    -Оваа книга има делови за универзалните закони, има дел објаснувања на нештата преку квантната физика, што значи енергија и како се е енергија, дел кој ќе ви овозможи да се спознаете себеси и сопствените парадигми, товарот кој го носите со себе и друго. Сакавме со мојот сопруг да ја подариме  книгата на читателите, да биде прилагодена на македонски јазик, зашто обично во овој свет на информации личниoт развој е тренд кој има влијанија од американската литература, а нема многу достапни за нашето поднебје прилагодени изданија. Ние ја прилагодивме, напишана е на едноставен, разбирлив јазик, за секој да може да се препознае, да се спознае, да добие нови увиди и некои се веќе познати, а книгата ќе овозможи да ви бидат патоказ да застанете на патот кон она што сакате да го постигенте во вашито живот. Да се одржите на добра фреквенција во целиот процес, изјави Ангеловска.

     


    Почитувани,                          

    Општина Крива Паланка во идниот период планира да реализира еколошки активности под наслов „Чиста населба – чиста општина“ за подобрување на еколошката слика и уредување на повеќе јавни локации и  зелени површини на територијата на Крива Паланка. Основна цел е подобрување на општата слика за општината преку подобрување на животната средина во населените урбани и рурални заедници.         

    Ќе бидат организирани реонски акции и тоа:

    Ве покануваме да земете активно учество во акцијата и да дадете свој придонес во заштитата на животната средина.

    Контакт: Оливер Стојановски, моб. тел. 076/406-355       

    ОПШТИНА КРИВА ПАЛАНКА

                                 


    Денот на еколошката акција на младите, Денот на пролетта 21-ви март, наставен ден кој со посебна програма и со бројни активности се одбележа во основните и средното училиште во Крива Паланка. Одбележувањето на овој ден е за зајакнување на еколошката свест кај учениците и за создавање навики за чиста и здрава животна средина.

    Учениците го искористија првото пролетно сонце за чистење  на училишните дворови и околните улици, а дел од учениците се погрижија за хортикултурно уредување на дворовите засадувајќи цвеќиња и садници.

    Оваа акција за чистење и разубавување на животната средина учениците ја изведоа под мотото на претстојната еколошка акција „ОПШТИНА БЕЗ СМЕТ ЗА ПОУБАВ СВЕТ“ или „ЧИСТА НАСЕЛБА-ЧИСТА ОПШТИНА“ која вклучува сеопфатни еколошки активности за подобрување на општата слика на општината со цел вклучување на граѓаните во реонски акции во наредниот период.

     

     


    Големина на фонт
    Контраст