На 17 мај 2013 (петок), Градоначалникот на Општина Крива Паланка Арсенчо Алексовски го посети Средното општинско училиште „Ѓорче Петров“. Тој им ја честита матурата на матурантите и им посака успех како при полагањето на државната матура така и при уписите на факултетите.

На повик на Градоначалникот на Општина Крива Паланка, г-дин Арсенчо Алексовски, на 16.05.2013 година нашата општина ја посети хрватскиот амбасадор во РМ, г-динот Златко Крамариќ.

Утре со почеток во 11 часот во  големата сала на Општина Крива Паланка ќе се одржи советување на тема „Музеите (меморија+креативност) = Општествена промена“. Советувањето е во знакот на одбележувањето на Меѓународниот ден на музеите, 18 мај, а се одржува во рамките на манифестацијата „Крива Паланка град на културата“.

Во рамки на манифестацијата „Крива Паланка град на културата за 2013 година“ вчера во изложбениот салон при Градскиот музеј во Крива Паланка беше отворена изложба на градски костуми од Битола од 19. и почетокот на 20. век.

Во рамките на манифестацијата „Крива Паланка град на културата“ вчера, со почеток во 20 часот, во НУ Центар за култура беше прикажана театарската претстава Женско царство во изведба на театарот Колозов од Скопје.