Учениците од општинските училишта Јоаким Крчовски и Ѓорче Петров многу пати досега ја покажале својата еколошка заложба за зелена, чиста и одржлива животна средина и природа, така беше и денеска, имено еколошки групи на учениците од овие училишта, со личен пример ја иницираа и покажаа неминовната потреба од правилно постапување со електронскиот отпад со цел намалување на неговото негативно влијание врз домашната и непосредната животна средина и природата.
Неупотребливите електронски и електрични уреди содржат многу токсични супстанции бидејќи во многу од нив има тешки метали и опасни гасови како што се : олово, жива арсен, кадмиум, и други содржини кои можат сериозно да му наштетат на човековото здравје и животната средина доколку со нив не се постапува правилно .
Имено младите ученици од овие училишта денеска практично со личен пример им покажаа на возрасните и одговорните каде треба да се остава ваквиот вид на отпад. Тие заедно со своите одговорни наставници порачаа дека неупотребливиот електронски и електричен отпад не смее да завршува заедно со комуналниот отпад на комуналната депонија или пак во природата и да ја загадува, почвата и водите а преку нив и човечкото здравје.
Време е да почнеме сериозно да се грижиме за нашата животна средина.
Една од основните активностите за зачувување на животната средина, е и спроведувањето на соодветна селекција на отпадот и негово оставање на определените места и во определени садови.
