Почитувани граѓани,
Општина Крива Паланка Ве известува дека во периодот од 24.12.2016 – 30.12.2016 година организира дневна предновогодишна програма на плоштадот Карпошово востание пред зградата на Општината за најмладите жители на градот. Воедно упатува повик до сите заинтересирани училишни и предучилишни групи, школи за странски јазици, детски игротеки и едукативни центри, организации и неформални групи, доколку имаат припремено било каква новогодишна програма можат да се претстават пред граѓаните на утврдената локација на плоштадот. Термините се од периодот 12:00-15:00 часот, во кој период ќе има празнична музика и забава за најмладите.
Заинтересираните групи да се пријават на тел. 031 375 035.
Повелете, заеднички да направиме позитивна новогодишна атмосфера и во празничен дух да ја испратиме 2016 и дочекаме 2017 година.
Со почит,
Општина Крива Паланка Градоначалник Арсенчо Алексовски