Oпштина Крива Паланка, во периодот на месец ноември 2023 г. ќе реализира „Родово одговорен буџетски форум“ со цел партиципативно и транспарентно родово одговорно изготвување на буџетот на општината за 2023 година, заедно со граѓаните.
Првата форумска сесија – работилница, ќе се одржи на 7- ми ноември, 2023г. (вторник) во општинската сала, со почеток во 12 часот.
Во интерес на вашето време, оваа форумска сесија ќе биде поделена во два дела:
- I дел ќе биде отчетен, односно форумот ќе биде запознаен со реализацијата на буџетот на општината заклучно со 30.09.2023г. и статусот, реализацијата на форумските приоритети од буџетскиот форумски процес за подготовка на буџетот за 2023 година.
- II дел ќе претставува воспоставување на форумскиот процес за подготовка на буџетот на општината за 2024 година.
Почнувајќи од 1-ви ноември заклучно со 30-ти, ќе се одржат 4 форумски сесии, на кои ќе се подготви предлог буџетот за 2024 година и истиот ќе се достави на усвојување на Советот на Општината во месец декември 2023.
Форумот има за цел да го зајакне граѓанското учество во процесот на одлучување на локално ниво и низ еден широко транспарентен начин да обезбеди родово одговорна алокација на буџетските средства, водејќи сметка за различните потреби и приоритети на граѓаните и граѓанките.
Вашето директно учество и придонес во креирањето на буџетот на Општина Крива Паланка за 2024 година е од голема важност и интерес за целата локална заедница.
Со почит,
Општина Крива Паланка
Градоначалник,
Сашко Митовски