Почнувајќи од денеска, секој жител на Општина Крива Паланка ќе може да учествува во донесување одлуки на локално ниво и партиципативно да учествува во подготовка на Програмите за работа и Буџетот на Општина Крива Паланка за 2024 година.
Со цел да се овозможи поедноставување на овој процес и за поголема партиципативност и вклученост на граѓаните, граѓанките, граѓанските здруженија и правни лица, при креирање на Буџетот за 2024 година, Општина Крива Паланка постави и анкетен прашалник и посебен линк, кој води до него:
https://forms.gle/i9qEcsawSxpvcUP1A
Општина Крива Паланка ги охрабрува сите граѓани, во овој анкетен прашалник да ги наведат сите свои приоритети, предлози, потреби и идеи за подобрување на условите за живот во локалната заедница, како и решавање на проблеми со кои се соочуваат.
Предлозите од граѓаните ќе бидат разгледани и анализирани од соодветните одделенија и сектори во Општина Крива Паланка и сите реално остварливи предлози и идеи, согласно финансиските можности, остварливоста и издржливоста на проектите, ќе бидат интегрирани во нашите буџетски програми.