Ве известуваме дека од 27-ми до 29-ти Август 2023 г. на Градскиот стадион во Крива Паланка, во рамките на манифестацијата ,,КРИВОПАЛАНЕЧКО КУЛТУРНО ЛЕТО 2023“ општина Крива Паланка ќе ги организира/коорганизира следните музичко-сценски (концертни) и фестивалски активности и тоа: Музички Фестивал „ЏОЈ ФЕСТ 2023“ (27 – 28.08.2023), Прослава на денот на рударите (28.08.2023) и Фестивал на храната (29.08.2023).
За времетраење на јавните собири/настани од 26 – ти до 29 – ти Август ќе биде забрането запирањето и паркирањето на автомобили на дел од ул. Св. Јоаким Осоговски (на потегот од Осички мост до Мотел„Македонија“).
На 26 Август (сабота) 2023 во период од 10.00ч се предвидува затворање на просторот предвиден за јавните собири/настани (Градски стадион) заради транспорт, истовар и монтажа на сценска бина, озвучување и придружна опрема, како и заради транспорт и истовар на инвентар и придружна опрема на приватни угостители и монтирање / оформување на места за продажба и точење на пијалоци.
На 27 Август (недела) 2023 г. во период од 19:00 до 01.00ч се предвидува затворање на просторот предвиден за јавните собири/настани (Градски стадион) заради одржување на Музички Фестивал „ЏОЈ ФЕСТ“ – прва вечер.
На 28 Август (понеделник) 2023 г. во период од 10:00 до 12.00ч се предвидува затворање на просторот предвиден за јавните собири/настани (Градски стадион) заради одржување на Прослава на денот на рударите.
На 28 Август (понеделник) 2023 г. во период од 19:00 до 01.00ч се предвидува затворање на просторот предвиден за јавните собири/настани (Градски стадион) заради одржување на Музички Фестивал „ЏОЈ ФЕСТ“ – втора вечер.
На 29 Август (вторник) 2023 г. во период од 14:00 до 16.00ч се предвидува затворање на просторот предвиден за јавните собири/настани (Градски стадион) заради одржување на Фестивал на храната.
СЕ МОЛАТ ГРАЃАНИТЕ ЗА РАЗБИРАЊЕ.
Општина Крива Паланка
Градоначалник
Сашко Митовски