Известување за граѓаните – КРАИШТЕ 2022

Почитувани граѓани,

Во местото Голеш, село Голема Црцорија на границата со Р. Србија на 12.07.2022 (вторник) на големиот христијански празник Петровден во организација на општините Крива Паланка, Босилиград и Ќустендил, ќе се одржи трилатералната традиционална меѓународна  средба ,,КРАИШТЕ 2022,,.

Како дел од меѓународната средба ,,КРАИШТЕ 2022,, а во знак на развиената културна соработка помеѓу Општините од Република Северна Македонија, Бугарија и Србија, присутните ќе  имаат  задоволство да ја проследат богатата културно – уметничка програма на културно уметнички друштва и фолклорни ансамбли од трите општини, кои ќе ја презентираат богатата традиција и култура на добрососедските земји низ сплетот на народните песни и ора.

Границата ќе биде отворена од 8 до 20 часот.

Граѓаните државната граница може да ја преминуваат со важечки лични карти или патни исправи.

Општина Крива Паланка

Големина на фонт
Контраст