Според добиениот извештај од извршено тестирање на мостра на вода земена од локалниот водовод во руралната населба Дурачка Река, на локацијата – населен дел пред школото, констатирано е дека водата од овој водовод не одговара на законските прописи за бактериолошка анализа односно водата не е безбедна за пиење и користење заради зголемен вкупен број на аеробни и колиформни бактерии и присуство на Escherichia coli – индикатор на фекално загадување на водата.
За да може истата да се користи потребно е да се изврши дезинфекција и кондиционирање на водата и водоснабдителните објекти од страна на надлежен орган.
Од тие причини се известува месното население – корисници на наведениот локален водовод дека е забрането понатамошно користење на водата од овој локален маалски водовод се до нормализирање на квалитетот на водата.
Исто така се известува Месната заедница на Дурачка Река и Режискиот одбор за наведениот водовод веднаш да стапат во контакт со јавното комунално претпријатие за превземање на мерки и регулирање на обврските за доведување на водата од наведениот водовод во здравствено безбедна состојба за користење.