До Општина Крива Паланка од страна на Агенцијата за храна и ветеринарство – Подрачна единица Крива Паланка се пристигнати Извештаи од спроведено тестирање и анализа на вода во три рурални населби и тоа: Добровница, Подржи Коњ и Дурачка Река, кои покажуваат дека водата на земените мостри на вода во деновите 09 и 12 март 2020 година од овие води во однос на физичко -хемиската анализа не одговара на законските прописи за здравствена безбедност на вода односно истата не е безбедна за пиење и користење.
Според лабараторискиот број 941/2020 од 13.03.2020 година не е безбедна водата во село Дурачка Река од така наречената Стојанчева чешма заради зголемен вкупен број на колиформни бактерии и присуство на Escherichia coli – индикатор на фекално загадување на водата.
Според лабараторискиот број 1015/2020 од 16.03.2020 година не е безбедна водата во село Подржи Коњ, водовод за куќи спроти школото заради зголемена матност.
Според лабараторискиот број 1014/2020 од 16.03.2020 година не е безбедна водата во село Добровница – центар на село кај амбулантата заради зголемено присуство на калиум перманганат.
За да може истата да се користи потребно е да се изврши дезинфекција и кондиционирање на водата од надлежен орган.
Од тие причини се известува месното население – корисници на наведените локални водоводи и чешми дека е забрането понатамошно користење на водата се до нормализирање на квалитетот на водата.
Воедно се известуваат режиските одбори и претседателите на Месните заедници на Добровница, Подржи Коњ и Дурачка Река веднаш да го известат месното население за состојбата, како и да стапат во контакт со Јавното комунално претпријатие Комуналец со цел превземање мерки за подобрување на квалитетот на водата на наведените водоснабдителни системи и објекти.