По одржаниот состанок на Општина Крива Паланка и Центарот за управување со кризи се дадени дополнителни, нови препораки во врска со преземање на мерки и активности за превенција од ширење на болеста COVID-19 (корона вирус).
- МВР преку своите служби на граничните премини, преку СВР и ОВР и останатите служби на локално ниво, тековно да доставува список на повратници од странство кои се со постојано место на живеење во Општина Крива Паланка.
- Ако има неопходна потреба од верски обреди, тие да се сведат со присуство на минимален број луѓе и истите да се изведуваат задолжително во Градска капела – Крива Паланка.
- Од страна на Пазарниот инспектор да се зајакне контролата на трговските објекти долж патниот правец кон ГП Деве Баир и да се отстраната сите маси и чадори кои се во функција за послужување алхохолни и безалкохолни пијалоци.
- Бензинските пумпи да ги изнесат автоматите за послуга на кафе пред објектите и да го контролираат бројот на влез на лица во и од самите објекти заради нивна и сигурност на странките.
- Мензите кои се користат во производствените погони ако е можно да се стават вон употреба, а на вработените да им се дели сув оброк или да се регулира поделбата на храна во истите.
- Сите производствени погони во делот на конфекциска, кожарска и текстилна индустрија да го организираат седењето на вработените во тек на самиот процес на растојание од 2м и повеќе.
- Сопствениците на големи маркети, продавници и аптеки да го организираат протокот на лица кои купуваат производи во еден ист момент при влез и излез од самите објекти.
- ЈКП Комуналец да набави дополнителни средства за дезинфекција и да продолжи со третманот на јавни површини, јавни тоалети и контејнери за смет.
- Секој граѓанин до колку забележи дека некои повратници од странство не ја почитуваат забраната за 14 дневна изолација во домашни услови веднаш да пријават на телефонскиот број 192 во МВР.
- Апелираме сите граѓани над 60 годишна возраст, самечки домаќинства и стари и изнемоштени лица да ги користат услугите за набавка на храна, хигиенски продукти и лекови на волонтерските тимови на Црвен Крст и Општина Крива Паланка со повикување на телефонските броеви 078 30 30 60 или 031 37 50 35.
- Апелираме домаќинствата да не создаваат залихи на прехрамбени продукти, лекови и хигиенски производи, бидејќи за такво нешто нема потроба и целата состојба во Крива Паланка е под целосна контрола.