На 08.07.2016 на плоштадот „Карпошово востание“, со почеток во 20 часот, ќе се одржи фестивал на староградски песни и серенади „Осоговска староградска вечер“. На фестивалот ќе настапат друштвата „Распеани паланчани“ од Крива Паланка, „Распеани пензионери“ од Берово, „Камелија“ од Свети Николе, „Еделвајс“ од Ќустендил, „Распеани радовишани“ од Радовиш и „Градски хор “ од Штип.
Настанот се одржува во рамките на „Кривопаланечко културно лето“ кое вклучува бројни изложби, промоции на книги и концерти.
