Врз основа на верификација на посебна програма за личен асистент на лица со попреченост, Црвен крст на Република Северна Македонија – Општинска организација Крива Паланка со поддршка на Општина Крива Паланка, распишува:
К О Н К У Р С
за обука за Личен асистент на лица со попреченост
Се повикуваат сите заинтересирани невработени лица од територијата на Општина Крива Паланка и Ранковце, кои сакаат да посетуваат обука и да се стекнат со верификуван сертификат да аплицираат во периодот од 06.11.2023 до 15.11.2023 година.
Кандидатите треба да ги исполнуваат следните услови:
- Да се државјани на Р.С Македонија;
- Да имаат над 18 години;
- Да имаат општа психо-физичка способност за работа;
- Да имаат минимум основно образование;
- Да се невработени;
- Да бидат мотивирани за работа со лица со попреченост;
- Да бидат мотивирани по обуката да бидат вклучени како лични асистенти во сервисите за личен асистент на лица со попреченост при Нега центар – Црвен крст Крива Паланка.
Напомена: Обуката за личен асистент на лица со попреченост е бесплатна.
Заинтересираните кандидати можат да се пријават на е-маил: [email protected] , на тел. 070 27 22 11 или во канцеларијата на Црвен крст Крива Паланка;
Секој заинтересиран кандидат ќе биде повикан на индивидуално интервју.