Делегација на Општина Крива Паланка, предводена од градоначалникот Сашко Митовски, беше во официјална посета на град Бор од Р. Србија по повод одбележувањето на нивниот празник на градот, 3-ти Октомври.
На покана на градоначалникот Александар Миликич, делегацијата од Општина Крива Паланка присуствуваше на главната свеченост и свечената академија, како и на другите настани организирани по повод Денот на градот Бор.
Крива Паланка и Бор се збратимени градови, кои веќе имаат воспоставено пријателство и соработка во областа на културата, а се работи и на разивање на можности за воспоставување на соработка во областа на младинскиот активизам и економијата, како и јакнењето и негувањето на блиските врски со големиот број на иселеници од кривопаланечкиот крај.
