Градоначалникот на општината Крива Паланка одржа конструктивен работен состанок со раководителите и одговорни лица на клучни сектори за комунални услуги од јавното комунално претпријатие Комуналец како што се: водоснабдувањето, јавната чистота, одржување на јавните површини, собирањето на отпадот, одведување на отпадните води, подигање и одржување на урбаното зеленило, зимско одржување на јавните површини, комунална опременост и слично, заедно со службените лица за вршење на комунален надзор и контрола при општината.
Целта на состанокот беше согледување и анализа на состојбите од комуналната сфера, реализација на програмите, евидентирање на слабости и проблеми, подобра организација, меѓусебна координација, утврдување на приоритети, зајакнување на контролата како и припрема и подготвеност за давање на комунални услуги во претстојниот зимски период односно во зимски услови.
На состанокот беше констатирано дека во тековната година се направени значителни исчекори во комуналната сфера, односно е подигнато нивото во давањето на наведените комунални услуги , модернизација и урбаниот пристап на истите но е констатирано дека може да биде и уште подобро ако се подобрат одредени слабости и проблеми кои се констатирани како такви, а се од особен интерес за граѓаните.