Локалната самоуправа на Општина Крива Паланка продолжува со градежната офанзива која во изминатите неколку месеци придонесе за подобрување на патната инфраструктура во повеќе населени места.
Денес е завршено асфалтирањето на улица Вршачка во село Конопница и жителите на овој дел од градот чекорат по нов асфалт.
Градоначалникот на Општина Крива Паланка, Сашко Митовски, истакна дека граѓаните се сведоци дека ветеното се реализира, улицата “Вршачка” од денес е со нов асфалт, а општината инвестираше 3.000.000 денари за овој проект.
Митовски рече дека со силен интензитет локалната самоуправа работи на подобра инфраструктура, се решаваат проблемите на граѓаните, се урбанизира и разубавува градот.
-Така се обврзавме, а зборот е збор! Работиме посветено,работиме од срце!Продолжуваме да ги подобруваме условите за подобро живеење во нашата Крива Паланка, порача градоначалникот Митовски.
Во изминатите неколку месеци во општината се асфалтирани повеќе локални улици и патишта,меѓу кои ул.Пиринска во населба Единство, дел од “Херој Карпош” со решавање на проблемот со атмосферска вода, патот во Мизовски ливади, како и патни правци во селата и околните населени места.
