Градоначалникот Сашко Митовски оствари средба со секретарот на Општинската организација на Црвен крст од Крива Паланка, Дарко Пешевски. На средбата градоначалникот Митовски се запозна со тековните активности на организацијата, а се разговараше за продолжување и унапредување на досегашната успешна соработка на Општината со ОО Црвен крст Крива Паланка.
Општина Крива Паланка и ОО Црвен крст тековно заеднички го имплементираат проектот „Одговорни институции- среќни граѓани”, насочен кон помош и нега на стари лица во домашни услови, а со финансиска поддршка од Министерството за труд и социјална политика на Република Северна Македонија и Светска банка.
