Согласно Законот за младинско учество и младински политики, Даниела Милошевска е назначена за службеник за млади во Општина Крива Паланка. Службеникот е лице за контакт и полесна комуникација со младите околу прашањата што ги засегаат, а се во врска со работата на локалната самоуправа.
Службеникот за млади ќе биде одговорен за развивање, планирање и следење на активностите поврзани со младите и младинските политики, поддршка на работата на локалната самоуправа, локалниот младински совет, неговите членови, спроведувањето на неговата програма, известување и транспарентност и одржување на комуникација и редовна соработка со младинските форми на здружување и младите.
Младите ќе можат да комуницираат со службеникот преку [email protected].
