Во тек е поставување на еластична одбојна ограда на стариот пат од Мотел кон манастирот „Св. Јоаким Осоговски“, кој неодамна беше реконструиран и беше поставен нов коловозен слој, нови рабници и беше подобрено одводнувањето.
Заштитната ограда се поставува на критични места на патот во вкупна должина од околу 400 метри, со што ќе се подобри сигурноста и безбедноста на учесниците во сообраќајот.
Средствата за поставување на оградата се обезбедени од буџетот на општината, а работите ги изведува фирмата „Кединг“-Скопје.
