По завршување и пуштање во употреба на канализациона мрежа за отпадни води за населба „Крстата Падина“–крак К1и крак К2 во должина од околу 1 км, Општина Крива Паланка продолжи со активностите за изградба на канализациона мрежа во населба „Мезовски Ливади“- крак 2, во должина од околу 1 км.
Според динамиката на реализација, проектот треба целосно да се заврши до средината на месец април. Вредноста на инвестицијата е 2.301.000 денари, а средствата се обезбедени од Бирото за регионален развој од Програмата за развој на подрачја со специфични потреби во висина од 1,5 милион денари, а остатокот од средствата се обезбедени со кофинансирање од Општина Крива Паланка.
Со изградба на канализационата мрежа ќе се придонесе за унапредување на квалитетот на животот преку создавање на подобри санитарно-здраствени услови за живеење, како и за заштита на животната средина.
