Во просториите на ЛУ Градски музеј Крива Паланка отворена е самостојна изложба на дела на мултимедијалниот уметник Мице Јанкуловски, по повод 50 години творештво.
Јанкуловски, кој е македонски, но и светски признат сликар, карикатурист, аниматор, пишувач на палиндроми, последните 10 години е препознатлив по својата црна форма, односно делата што ги создава во исклучиво црна боја и со кои ја интригира светската јавност.
Изложбата ја отворија Роберт Алаѓозовски, посебен советник за култура во Владата на РС Македонија, и градоначалникот на општина Крива Паланка, Борјанчо Мицевски.
Во рамките на изложбата беше промовирана публикација по повод 50 годишното творештво на Јанкуловски, а беше прикажан и видео материјал со осврт за делата на Јанкуловски.
Целиот настан е во организација на ЛУ Градски музеј Крива Паланка и галеријата „Остен“ од Скопје, а истиот е поддржан од Министерството за култура и Општина Крива Паланка.
