Денеска во просториите на Општина Крива Паланка се одржа инфо ден за здруженија на граѓани и фондации, кои се заинтересирани да аплицираат на распишаниот ЈАВЕН ПОВИК за поднесување на пријави за финансиска поддршка за користење на средства од буџетот на Општина Крива Паланка за 2021 година, наменети за проектни активности на здруженија и фондации со седиште во Општина Крива Паланка .
На инфо денот, заинтересираните претставници на здруженијата и фондациите, беа информирани за критериумите кои треба да ги исполнат здруженијата, беше детално објаснет начинот на пополнување на апликацијата и пополнување на формуларите, потребната документација која треба да се достави во склоп на апликацијата, беа дискутирани видовите на проекти кои ќе бидат поддржани како и извештаите кои ќе треба да се достават по реализација на проектите.
