Општина Крива Паланка овозможи пристап до дел од просторните податоци со кои располага преку Веб ГИС апликацијата, поставена на веб страната на општината како нов сервис.
Апликацијата е достапна на https://gisportal.gdi.mk/visios/KPPublic со соодветно упатство за користење и овозможува ГИС податоците и содржините да се пребаруваат, анализираат и презентираат. Во моментот се достапни податоци за урбанистичките планови, адреси, како и туристичката мапа на градот. Општината работи континуирана на зголемување на сетот на достапни податоци за корисниците, а наскоро ќе биде овозможена и форма за прибирање на податоци и комуникација со граѓаните.
ГИС апликацијата е основа за развој на концептот на „паметен град“ и претставува матица на сите просторни податоци со кои располага општината, овозможувајќи користење на гео-податоците како стратешки ресурс за планирање и развој.
