Денеска 20 Април го славиме Патрон празникот на нашето училиште ООУ„Јоаким Крчовски“ Крива Паланка. Иако се наоѓаме во вонредна состојба сепак сите вработени во нашето училиште сплотено функционираат и сме горди на активностите и постигнувањата.
Повеќе децении училиштето „Јоаким Крчовски“ продуцира кадри кои оставиле печат во своето време. Институција низ која поминале низа генерации, ученици, наставници, стручни соработници и технички персонал, сите со свој придонес помогнале да го подигнеме образованието на повисоко ниво. Затоа училиштето денес е модел за мултифункционално образование. Во училиштето креираме безбедна средина во која секој ученик ќе може да ги промовира и манифестира своите културни вредности и потреби. Промовираме одговорност, еднаквост и успешност и на тоа сме особено горди. Училиште кое постојано се стреми кон современото образование, кон современата образовна технологија и да обезбеди поквалитетна настава компатибилна со европското образование. Воспитуваме личности подготвени да се справат со животните предизвици и да бидат одговорни граѓани на ова наше мултукултурно општество.
Директорот, наставниците, стручните соработници и сите вработени во училиштето навистина се гордеат со трудот и успесите на учениците кои ја продолжуваат традицијата и успешната приказна која трае.
„Нашата мисла со која одиме е љубовта, нашето средство со кое осознаваме е учењето, а нашата цел кон која се стремиме е успехот“ – ова е основната мисла водилка на наставниците и учениците од училиштето која води кон подобра иднина.
На сите наставници, стручни соработници, вработени и ученици во ООУ„Јоаким Крчовски“ им го честитаме Патрон празникот на училиштето.
Патрон празник на ООУ „Јоаким Крчовски“- Крива Паланка 2020 година – презентација 1
Патрон празник на ООУ „Јоаким Крчовски“- Крива Паланка 2020 година – презентација 2
Патрон празник на ООУ „Јоаким Крчовски“- Крива Паланка 2020 година- СПОРТ
ООУ„Јоаким Крчовски“
Крива Паланка