Градоначалникот на Општина Крива Паланка Борјанчо Мицевски оствари средба со проектниот менаџер на програмата ROMACTED Маркос Андраде, со проектните раководители и преставници на Асоцијацијата за демократски развој на Роми „Сонце“ од Тетово.
На средбата беше презентирана заедничката програма на Европската унија и Советот на Европа – Промовирање на добро управување и зајакнување на Ромите на локално ниво (ROMACTED), а се разговараше и за актуелната состојба на Ромите во општината, секојдневните проблеми со кои се соочуваат како и за начините за нивно решавање.
Општина Крива Паланка е една од општините во РС Македонија каде што ќе се спроведуваа програмата ROMACTED.
