Денес во НУ Центар за култура во Крива Паланка беше отворена изложба на слики од два творечки циклуси на академскиот сликар Цветанка Јованова-Хермес.
Изложбата е сочинета од дела од двете последни изложби на Јованова-Хермес, насловени „Што сум јас” и „Кој сум јас”.
Цветанка Јованова-Хермес, дипломира на универзитетот за ликовни уметности во Благоевград, Бугарија во 2001 година, отсек – графика, а магистрира на истиот отсек и на Ликовната академија во Скопје.
Досега има организирано 16 самостојни изложби, а учествувала на стотина групни изложби, ликовни колонии и работилници.
На отворањето на изложбата, директорката на НУ Центар за култура, Мира Ѓоргиевска изјави дека оваа изложба е дел од годишната програма на установата, поддржана од Министерството за култура, во рамки на превземање изложби. Она што е привлечно и истовремено инспиративно се пораките испишани на делата, но и суптилните пораки кои оставаат простор за лична интерпретација на секој гледач кој ќе ја пронајде директната порака на авторката.
