Учениците од Подрачното основно општинско училиште „Илинден“ с. Конопница учествуваат на Втората кампања за безбедност на децата на интернет, организирана од Microsoft во Македонија, во соработка со Британски совет и УНИЦЕФ.
И оваа година, главниот фокус на настанот беше организирање на образовен форум, кој е во контекст со Европскиот ден за побезбеден интернет. Форумот имаше за цел да го привлече вниманието на пошироката јавност и да се истакне колку е важна безбедноста на децата на интернет, а истовремено и да ја зголемиме свесноста за улогата на наставниците, родителите и околината воопшто кога станува збор за оваа тема.
Пред учениците беше изведена мини театарска претстава со тематика за Безбедност на интернет.