На ден 05.11.2010г. (петок) во Општина Крива Паланка, се одржа средба помеѓу претставници на Советот на Општина Дупница, Р. Бугарија и советниците на Советот на Општина Крива Паланка, во духот на добрососедството и извонредно добрата соработка помеѓу збратимените општини.
Дупница и Крива Паланка во изминатите години реализираа повеќе заеднички иницијативи и проекти, а соработката помеѓу општините сега се збогатува и во делот на соработка помеѓу општинските совети. Работниот дел од средбата се одржа во Салата на Советот на Општина Крива Паланка. Целта на оваа средба е размена на искуства и заеднички иницијативи во функција на социоекономскиот развој на општините, посебно во делот на евроинтеграциските процеси на ЕЛС, пат по кој ние допрва чекориме кој нашите пријатели го поминаа, и инивното менторство во овој дел е драгоцено за општина Крива Паланка.
На оваа прва средба помеѓу општинските совети присуствуваа Претседателот на Советот на Општина Дупница, Јавор Тодоров и претседателите на Комисиите при Советот, Лорета Николова, Иван Ибрихимов, Силвија Овчаренска, Емилиј Червилова, Георги Пекливаннски и Елеонора Георгиева вработена во Општина Дупница. Работната средба ја водеше Претседателот на Советот на Општина Крива Паланка, Миле Милковски, а присутни беа и советниците во Советот на Општина Крива Паланка.
На средбата се обрати и Градоначалникот, Арсенчо Алексовски, кој истакна дека посебно е горд што сме домаќини на оваа прва средба, работен состанок, која е резултат на исклучително добрата соработка помеѓу двете општини. Меѓу другото напомена дека во иднина општините планираат да ја продлабочат соработката посебно во делот на економскиот развој и бизнисите, и да помогнат во градење на мрежи на прекугранични партнерства, со цел да се забрза развојот на општините. Дупница и Крива Паланка се лидери во прекуграничната соработка во регионот и можат да послужат како позитивна практика и искуство за другите чинители во прекуграничниот регион – истакна градоначалникот Алексовски.
Во рамките на посетата гостите го посетија Туристичко информативниот центар, СОУ Ѓорче Петров и Манастирот Свети Јоаким Осоговски.
 |
 |
 |
 |
 |
 |
 |
 |
 |