Почитувани граѓани,
По повод чествувањето на големите христијански празници, Успение на Пресвета Богородица и Свети Јоаким Oсоговски, Општина Крива Паланка во соработка и корелација со МПЦ, превзема навремени превентивни мерки за заштита од ширење на болеста COVID-19.
Во таа насока, ги известуваме сите граѓани, сопствениците на угостителските објекти, како и другите стопанственици, дека годинава, поради новонастаната ситуација на пандемија од Ковид 19, нема да биде дозволено поставување на продажни штандови, како во урбаниот дел на градот, така и во близина на Манастирскиот комплекс „Св.Јоаким Осоговски“.
Исто така, нема да има ниту продолжување на работното време на угостителските објекти и нивните сопственици се должни да го почитуваат досегашното работно време, до 01 часот, како и да се придржуваат на досегашниот протокол за работа.
Празничната, вечерна и утринска богослужба со света архиерејска литуρгија, како и сите други верски обичаи, за сите верници и намерници, ќе се одвиваат како и до сега.
Да ги дочекаме и прославиме големите христијански празници, Успение на Пресвета Богородица и Свети Јоаким Oсоговски весели во срцата, умерени во говорот и дејстувањето, да уживаме во честувањето, да се радуваме на живеењето.
Општина Крива Паланка