Денес, во салата на Советот на Општина Крива Паланка, се одржа втората работилница во процесот на изработка на Локалната стратегија за млади, согласно принципите на агендата „Млади, мир и безбедност“ (YPS).
Во фокусот на работилницата беа разгледувањето и анализата на предлозите и заклучоците од претходната средба, врз чија основа учесниците работеа на дефинирање конкретни мерки и подготовка на предлог-акциски план во приоритетните области.
Младите ги насочија своите идеи и предлози кон неколку клучни области: здравје, безбедност и инклузија; младински активизам; образование, развој на вештини и економска независност.
Преку активното учество и непосредното вклучување во овој процес, младите придонесуваат во креирањето локални политики што одговараат на нивните потреби, предизвици и перспективи.
Локалната стратегија за млади ќе претставува рамка за понатамошно делување на Општина Крива Паланка и другите јавни институции, со насоки и препораки што треба да бидат интегрирани во нивните идни програми и активности, со заедничка цел – унапредување на положбата на младите и создавање подобри услови за нивно активно учество и развој во локалната заедница.