По повод одбележувањето на Денот на градот Перечин, делегација на Општина Крива Паланка, предводена од градоначалникот, престојуваше во официјална посета на збратимената Општина Перечин, Украина.
Во рамки на посетата, во свечена и пријателска атмосфера беше потпишан Меморандум за соработка, со кој се потврдува заедничката определба за натамошно унапредување и продлабочување на партнерските односи меѓу двете општини.
Градоначалникот упати искрена благодарност до градоначалникот на Перечин, Иван Погорелјук, за срдечниот пречек и гостопримството, истакнувајќи дека долгогодишното пријателство меѓу Крива Паланка и Перечин претставува цврста основа за реализација на заеднички проекти, размена на искуства и развој на нови иницијативи од взаемен интерес.
Општина Крива Паланка останува посветена на негување и зајакнување на меѓународната соработка, уверена дека партнерствата меѓу локалните самоуправи придонесуваат за развој, меѓусебно разбирање и создавање трајни пријателства меѓу граѓаните на двете земји.