Летната сцена на градскиот плоштад во Крива Паланка, вчера вечер се претвори во вистинска магија, благодарение на фантастичната жонглерска претстава на „Fuzz Bubble“, која донесе многу смеа, воодушевување, балони, музика и незаборавни моменти за најмладите.
Стотици деца, заедно со своите родители, баби и дедовци, уживаа во вечер исполнета со радост, игра и безгрижност-токму онаква каква што заслужува секое детство зошто, најубавата слика на еден град е, кога тој е исполнет со детска смеа, безгрижна игра и заеднички семејни моменти, а најголемото богатство е, кога децата се среќни, а возрасните задоволни.
Општина Крива Паланка упатува благодарност до сите посетители кои беа дел од оваа прекрасна летна вечер и воедно ги повикуваме граѓаните да ги проследат и следните содржини од богатата програма на „Кривопаланечко културно лето 2026“ – затоа што летото е најубаво кога го споделуваме заедно.