По повод 8 Март – Меѓународниот ден на жената, градоначалникот Сашко Митовски ги посети жените вработени во производствените претпријатија во Крива Паланка и им го честиташе празникот, изразувајќи благодарност за нивниот труд, посветеност и професионалност.
За време на посетата, на вработените жени им беа подарени цвеќиња, како знак на внимание и почит за нивниот придонес во секојдневното функционирање на институциите и развојот на локалната заедница.
Средбите се одвиваа во пријатна атмосфера, исполнета со насмевки и искрени разговори, при што беше упатена порака дека трудот и улогата на жените во општеството заслужуваат почит и признание секој ден.
Со искрени желби за здравје, радост и успех, градоначалникот им го честиташе празникот на сите жени.