На 20 декември, делегација од Општина Крива Паланка присуствуваше како гости на церемонијалните настани по повод Founders Day во збратимениот град Лугож. Во рамките на прославата, делегацијата положи цвеќе и изрази почит кон значајниот ден на градот, потврдувајќи ја традицијата на меѓусебна почит и пријателство меѓу двата града.
Градоначалникот на Лугож, Калин Добра, ги прими претставниците на делегацијата во својот кабинет, каде што се размениле мислења за понатамошни проекти и зајакнување на соработката во различни области. Оваа средба беше уште една потврда на долгогодишната соработка и желбата за продлабочување на пријателските врски меѓу Крива Паланка и Лугож.
Со оваа посета се зацврстија меѓународните врски и се отворија нови можности за идни заеднички активности, културни и образовни иницијативи и соработки меѓу двата града.
