Општина Крива Паланка ја информира јавноста дека денес учениците од ООУ „Св. Јоаким Крчовски“, ООУ “ИЛИНДЕН” И СОУ “ЃОРЧЕ ПЕТРОВ “активно учествуваа на Општинските натпревари во атлетика и на Општинскиот крос, организирани од Општинскиот училишен спорт – Крива Паланка, под покровителство на Општина Крива Паланка.
Во рамки на натпреварите по атлетика, кои се одржаа на спортскиот терен, учениците од VI до IX одделение се натпреваруваа во дисциплините:
- спринт на 50 метри,
- скок во височина,
- скок во далечина,
и тоа во машка и женска конкуренција. Настанот ја потврди подготвеноста и спортскиот ентузијазам на основците, кои покажаа високо ниво на ангажман и фер-плеј.
По атлетските натпревари, беше одржан и Општинскиот крос на уредената патека покрај кејот на Крива Река. Во кросот учествуваа ученици од I до IV година од средното образование, кои преку своето учество ги демонстрираа издржливоста, натпреварувачкиот дух и посветеноста кон здравите животни навики.
На настанот учество зедоа учениците од:
ООУ „Св. Јоаким Крчовски“,
ООУ „Илинден“,
СОУ „Ѓорче Петров“.
Општина Крива Паланка изразува признание и честитки до сите учесници за нивниот континуиран труд, вложена енергија и постигнатите резултати. Настанот уште еднаш ја потврди важноста на спортските активности во развојот на младите, како и посветеноста на општината кон унапредување на училишниот спорт, здравите навики и дружењето меѓу учениците.
Општина Крива Паланка ќе продолжи да ги поддржува ваквите иницијативи што придонесуваат за создавање активна, здрава и мотивирана младина.
