Денес градоначалникот Сашко Митовски оствари средба со членовите на училишниот оркестар при ООУ „Јоаким Крчовски“, кој работи под менторство на професорката по музичко образование Лариса Жулина-Митовски. На средбата градоначалникот Митовски истакна дека поддршката на младите таленти и во иднина ќе биде еден од приоритетите на општината.
Младите музичари од училишниот оркестар триумфираа на многу натпревари на музички училишта на регионално, државно и меѓународно ниво, настапија на бројни фестивали и ни донесоа голем број на признанија, дипломи, награди и пехари.
Училишниот оркестар ќе земе учество и во новогодишната програмата која ја организира Општината и со пригоден настап ќе го збогати празничното случување во градот.
