Денес во Министерството за локална самоуправа, градоначалникот Борјанчо Мицевски го потпиша договорот за набавка на моторно возило за одржување на локалните и регионалните патни правци во рамки на проектот „Безбеден сообраќај во зимски услови во Општина Крива Паланка”. Возилото е набавено преку повик на Бирото за регионален развој, во рамки на програмата за намалување на диспаритети помеѓу планските региони.
Висината на грантот е 3.075.000 денари, а возилото ќе биде со придружна опрема и истото ќе биде дополнување на постојната механизација и возниот парк на ЈП „Комуналец“.
Во последните 3 години за јавното претпријатие од различни извори на финансирање се обезбедени вкупно 10 возила од кои 7 нови и 3 половни.
