Во рамки на проектот за регионално управување со смет, Општина Крива Паланка за потребите на ЈП „Комуналец“ доби 192 метални контејнери со зафатнина од 1,1 кубен метар . Со овие садови е планирано да се покријат сите градски и приградски населби, а дел од нив ќе бидат распоредени и долж коридорот 8.
Со обновата на возниот парк минатата и оваа година се очекува значително да се подобри состојбата со управување со комуналниот смет во општината. Во тек се подготовки за рекултивација и затворање на депонијата во с.Конопница, а собраниот комунален отпад ќе се транспортира во регионалниот собирен центар во Свети Николе.
Средствата за проектот за регионално управување со отпад се обезбедени од фондовите на Европската Унија.
