Вкупно 148 матуранти, ученици во завршните години во гимназијата „Ѓорче Петров“, Крива Паланка во учебната 2020/2021 денес и официјално го завршија средното образование во пет гимназиски паралелки од општествено-хуманистичко подрачје, јазично-уметничко и прородно математично подрачје како и во стручните паралелки за електротехничка, машинска и туристичко-угостителска струка.
По тој повод градоначалникот на Крива Паланка, Борјанчо Мицевски, ги посети матурантите од Средното општинско училиште „Ѓорче Петров“ и им посака многу здравје, среќа и успех во понатамошниот живот.
– Пандемијата на Ковид 19 во голема мера го смени традиционалниот начин на одбележување на овој значаен ден за матурантите, но ништо неможе да го намали фактот дека и покрај се, вие сте нашата младост, енергија, украс и иднина на општеството и локалната заедница. Затоа посакувам вашата генерација да биде носител на идниот развој, зошто вие ја имате моќта да го менувате светот и да го направите поубаво место за живеење. Бидете гордост на вашите родители, на вашите семејства и на целото општество, истакна градоначалникот Мицевски во своето обраќање кон матурантите.
