Денес во просториите на средното општинско училиште „Ѓорче Петров“ во Крива Паланка, градоначалникот Борјанчо Мицевски заедно со претставници на општинската администрација одржа работна средба со директорите на воспитно-образовните институции од општината.
На средбата се разговараше за досегашните и идни активности, состојбата со пандемијата во образованието, обука на наставниот кадар за ученици од прво и четврто одделение, уписот за првачиња во периодот кој следи, ребаланс на средства од блок дотации, прогласување на наставник во одделенска настава и наставник во предметна настава и ученици на генарации по повод 24 Мај, како и за верификација на условите за образовниот профил медицинска сестра од здравствена струка и образовниот профил угостителски техничар од угостителско туристичка струка и подготовките на средното училиштето за опремување на кабинети од истите профили и реконструкција на спортската сала и спортското игралиште.
Вакви средби ќе продолжат и во иднина, со цел подобрување на условите во образованието.