Премиерот Спасовски, заедно со претставниците на Министерството за труд и социјална политика Шкријељ и Бајрактар, придружувани од градоначалникот Мицевски, извршија обиколка на градинката „Детелинка“-клон 2, каде ќе започнат градежни активности за проширување и доградба на уште еден кат.
Во разговорите со раководството на градинката и претставниците на локалната самоуправа, членовите на Владата изразија задоволство од исполнувањето на зацртаните планови на актуелната Влада за градење инфраструктура и објекти за ран детски развој најавувајќи дека обезбедувањето на средства за капитални проекти ќе продолжи и во иднина, бидејќи тоа не е инвестиција само во објекти, туку и вложување во децата, кои се иднина на оваа земја.
Вложуваме за правилен раст и развој на идните генерации. Инвестираме во трајни вредности. Минатата година 13.000.000, оваа 23.500.000 денари за подобри услови и зголемени капацитети на ЈОУДГ „Детелинка”, истака градоначалникот Мицевски.
