Новиот волонтер на Мировниот корпус за Општина Крива Паланка, Александар Бенишек, денес во општинската сала го презентираше своето работно искуство, своите вештини, капацитети и компетенции и зборуваше за тоа, како и на кој начин може да ги поддржи локалните здруженија на граѓани, младинските клубови и цивилниот сектор во општина Крива Паланка.
Во презентацијата тој нагласи дека, покрај свoјот основен ангажман во општината, со нетрпение очекува да соработува и со другите чинители во локалната заедница, а сите заинтересирани за соработка може да го контактираат на а[email protected].
Во наредните две години, волонтерот на Мировен корпус, Александар Бенишек, ќе престојува во општина Крива Паланка, која има долгогодишна успешна соработка со мисијата на Мировниот корпус, а исто така ќе работи и со извидничкиот одред Наум Наумовски Борче.
