Општина Крива Паланка продолжува да ги надградува резултатите од долгогодишната соработка со UN Women, во рамки на проектот за родово одговорно буџетирање, со поддршка на амбасадите на Шведска и Швајцарија во земјава.
На денешната средба со претставниците на UN Women и претставничките на двете амбасади беа презентирани постигнатите резултати и практиките што Општината ги применува како резултат на досегашната соработка, преку обуки, менторска поддршка и размена на искуства.
Стекнатите знаења се интегрираат во планирањето на општинските програми и буџетот, при што се земаат предвид потребите и приоритетите на жените и мажите.
Позитивен пример за придонесот на овој пристап е реализираната активност во рамки на проектот на НАЛАС „Вклучување на родовата перспектива во испораката на локаните услуги“ финансиран од UN Women со експертска поддршка од страна на ЗЕЛС, каде е поставена е нова урбана еко-инфраструктура за селекција на отпад – „Еко Лаб“, како идеја произлезена од предлозите на жените од општината, која покажува колку е важно нивното активно учество во препознавањето на локалните потреби и креирањето иницијативи од јавен интерес.
Партнерството со UN Women продолжува и во наредниот период, со заложба за примена и унапредување на инклузивниот пристап и во други области од општинското работење.
