Градоначалникот Сашко Митовски заедно со надлежните служби од општината, денес направија увид во градежните активности на проектот за реконструкција дел од ул. „Св. Јоаким Осоговски“ делница – од дол „Единство“ до спој со државен пат А2 со изградба на атмосферска канализација, како и увид на градежни активности на спортските трибини при Спортскиот комплекс со предвиден вкупен капацитет од 1050 седишта и инвестиција од над 2.800.000 денари.
Финализирање на градежните активности и за двата проекти, се планира до крајот на тековната година, во зависност од временските услови, а надлежните служби од општината контирнуирано ќе вршат редовни контроли, со цел квалитетно, успешно и навремено завршување на работите од страна на ангажираните економски оператори.
