Во духот на пријателство и европска солидарност, нашата општина денес беше домаќин на висока делегација од Сојузна Република Германија, со цел продлабочување на долгогодишната соработка и зајакнување на партнерските односи.
Во состав на германската делегација беа:
г-дин Марк Пулман, градоначалник на градот Грос Цимерн,
г-дин Ахим Грим, поранешен градоначалник и долгогодишен поддржувач на партнерството меѓу нашите општини,
г-дин Манфред Ленц, претседател на општинското собрание и државен секретар,
г-дин Рајнхолд Либенштајн, член на општинскиот управен одбор,
покраинскиот министер за сојузни, европски и меѓународни надлежности од покраината Хесен.
Домаќин на средбата беше градоначалникот Сашко Митовски, заедно со претставници од општинското раководство.
На средбата се разговараше за тековните иницијативи и можностите за идна соработка, со акцент на:
Размена на искуства и добри практики во локалната самоуправа,
Развој на заеднички проекти со поддршка од европски фондови,
Поттикнување на младински разменски програми и културна поврзаност,
Унапредување на одржливи решенија за локален економски и еколошки развој.
Гостите изразија големо задоволство од досегашната успешна соработка и ја нагласија својата подготвеност за нејзино понатамошно унапредување. Посебен акцент беше ставен на важноста од поврзување меѓу општините како дел од визијата за обединета и стабилна Европа.
Во духот на пријателството, членовите на делегацијата од Германија присуствуваа на поставувањето камен-темелник на новите трибини на Спортскиот комплекс, како и на камен-темелникот на Адреналинскиот парк во Калин Камен — два важни проекти што ќе придонесат за развој на спортот и алтернативниот туризам во нашата општина.
Градоначалникот Сашко Митовски упати искрена благодарност за посетата и континуираната поддршка од германските партнери, изразувајќи уверување дека ова пријателство ќе продолжи да се развива и да придонесува за подобар квалитет на живот во двете заедници.