На 10 јули 2025 година, во просториите на Општина Крива Паланка, се одржа состанок на Штабот за заштита и спасување, свикан поради пожар кој зафати дел од територијата на општината.
Состанокот го отвори командантот на Општинскиот штаб за заштита и спасување, Изабела Павловска, која го презентираше дневниот ред и ја координираше дискусијата. На состанокот се присутни претставници на сите релевантни институции и служби, меѓу кои: градоначалникот Сашко Митовски, началникот на ОВР Крива Паланка, раководители од ДЗС, ЦУК, ТППЕ, ЈП Национални шуми, ЈП Комуналец, Црвен крст и други.
Состојба на терен:
Пожарот започна на 9 јули 2025 година околу 12:30 часот и зафати вкупно 90 хектари површина:
50 хектари борова шума
30 хектари листопадна шума (даб и багрем)
10 хектари пасишта
Интервенираа екипи од ТППЕ Крива Паланка, единици од Кавадарци, Струмица, Бугарија (Софија и Ќустендил), припадници на МВР, АРМ, вработени од ЈП „Македонски шуми“, општинската администрација, Црвен крст и бројни доброволци.
Благодарение на заедничката акција, пожарот беше успешно локализиран, а во текот на ноќта беа организирани дежурства на критичните точки.
Штети и последици:
Потврдена е една жртва
Опожарени се 4 куќи
Привремено беше прекинато снабдувањето со електрична енергија во одредени делови, како и намален притисок на водоводната мрежа
Заменети и потенцијални проблеми:
Присуство на граѓани и малолетници без опрема во ризични зони
Недостаток на логистичка координација
Недоволна заштитна опрема
Недостаток на мапа со хидрантска мрежа
Диви депонии како потенцијален ризик за нови пожари
Ширење на лажни информации на социјални мрежи
Заклучоци и идни мерки:
Воспоставување на заштитни појаси меѓу шумите и населените места
Детална анализа на причините за пожарот (најверојатно човечки фактор)
Именување на лице за координација со граѓаните
Забрана за пристап на малолетници и лица без соодветна опрема во пожарно подрачје
Набавка на канистри од 1 м³ за итна интервенција
Подобрување на логистиката: вода, храна, превоз
Инспекциски увид кај индустриски објекти за проверка на хидрантска опременост
Подготовка на оперативен план со конкретни мерки и активности
Користење на пумпи од реки за полнење на противпожарни цистерни
ЈП „Македонски шуми“ и МВР да продолжат со дежурства и мониторинг
Финален заклучок:
Во согласност со одлука на Владата, на територијата на целата држава е прогласена кризна состојба со цел поефикасно справување со шумските пожари.
