emiHidden=”false” UnhideWhenUsed=”false” QFormat=”true” Name=”Strong” />
[embpicasa id=”5989116458526353617″]
И покрај студеното време, околу илјада граѓани уживаа во несекојдневната глетка. Дефилето што го направија невестите со своите свекрви за момент не потсети на нашите корени, на традицијата, а колоритот на народните носии не потсети на вештината што ја поседувале нашите мајки и баби во изработката на народните носии.
Овогодинешната културна манифестација беше посетена од гости од Скопје, Куманово, Штип, Кратово, Пробиштип, Вевчани и од други места…
Учесничките и присутните граѓани беа поздравени од страна на покровителот на манифестацијата градоначалникот на општина Крива Паланка, г-дин Арсенчо Алексовски кој потенцираше дека оваа манифестација заслужува да биде поддржана, а тој лично ќе се заложи во иднина таа да се омасови и да добие карактер на меѓународна манифестација.
Архиерскиот намесник Добрислав Бошковски од МПЦ ги благослови учесничките во Невестинското поклонене истакнувајќи го значењето на возобновенатата традиција, при што ги покани снаите и свекрвите да се придружат и на осветувањето на водата и на примо-предавањето на кумството.
Инцијаторот за возобновувањето и идејниот творец на манифестацијата Невестинско поклонение г.Стојанче Величковски зборуваше за потенцијалот на овој туристички бренд како и за можноста тој бренд да се развива во духот на народната традиција.
По заврушувањето на свеченото дефиле, невестите добија букети со цвеќе и други подароци и присуствуваа на заедничкиот ручек.
Најдобрите во изборот на најубав посен зелник и најдобра сливова ракија ги добија заслужените признанија.