Во Големата сала на Советот на општина Крива Паланка се одржа првиот Форум за партнерство на првиот Повик за предлог прокти на Програмата за прекугранична соработка помеѓу Р. Македонија и Р. Бугарија. На форумот присутвуваа преставници на општини, локални, регионални и национални институции и установи, преставници на Невладини организации и асоцијации од двете земји.
Во присуство на преставниците од Заедничкиот Технички Секретаријат од Ќустендил и Техничката помош на Програмата беа разгледани можностите за партнерства и проектни идеи за првиот повик за предлог проекти.
Инаку, предвидениот буџет на програмата за првиот повик изнесува 4 131 652 Евра. Проектните предлози треба да се однесуваат за една од двете приоритетни оски:
1. Економски развој и социјално зближување;
2. Подобрување на квалитетот на живот.
Крајниот рок за поднесување на предлог проектите е 14 Декември 2009 г. до 16:00 часот локално време на адресата посочена во Упатството за аплицирање.