Во Крива Паланка во сабота со повеќе атрактивни точки настапија дел од учесниците на Меѓународниот уличен фестивал „БАСКЕРФЕСТ“.
Артистите на неколку локации во градот изведоа повеќе жонглерски и атрактивни точки на кои посебно се воодушевуваа најмладите кои беа и најмногубројна публика.
Настапот на артистите од БАСКЕРФЕСТ се одржа во рамки на манифестацијата „Крива Паланка – град на културата за 2013“ што ја организираат Општината, Центарот за култура и Градскиот музеј, со поддршка од Министерството за култура на Република Македонија.