Во рамки на манифестацијата „Крива Паланка – Град на културата “, на 23.05.2013 (четврток) со почеток во 12.00 часот во новоизградената спортска сала „Петар Поп Арсов“, се одржа Регионален фолклорен фестивал за деца од предучилишна возраст.
Oрганизатор на фестивалот е ОЈУДГ „Детелинка“ со поддршка на Општина Крива Паланка. На фестивалот учество земаа деца од детските градинки од Берово, Пробиштип, Кратово, Куманово и Крива Паланка. Покрај директорката Жанета Маџовска, која ги поздрави присутните и го отвори првото издание на Детскиот регионален фолклорен фестивал, на присутните им се обрати и градоначалникот г. Арсенчо Алексовски кој го изрази своето задоволство дека токму Крива Паланка е домаќин на Фестивалот и им посака пријатен претстој на дечињата во нашиот град.
Многубројните присутни гости, родителите како и вработените во градинките имаа можност да уживаат во веселата детска изведба на познатите македонски народни мелодии.